Qashqadaryo viloyatining Dehqonobod tumanidagi Obod qishlog‘i aholisi uchun yangi bog‘cha qurib berildi. Bu haqda tuman hokimligi axborot xizmati “Daryo”ga ma’lum qildi. Foto: Dehqonobod tuman hokimligi axborot xizmatiTa’kidlanishicha, qishloqda 28 yildan buyon bolalar bog‘chasi bo‘lmagan.Tumanning Obod qishlog‘i 2018-yil “Obod qishloq” davlat dasturiga tushgan va shu dastur asosida 75 o‘rinli bog‘cha barpo etilgan. 2 millard 400 million so‘m mablag‘ evaziga qurilgan bog‘cha O‘zbekiston Konstitutsiyasining 27 yilligi munosabati bilan ochildi.Qayd etilishicha, ayni kunda tumandagi bog‘chalar soni 54 taga yetgan. Foto: Dehqonobod tuman hokimligi axborot xizmati“Bundan ikki yil ilgari tumanda atigi 7 ta bog‘cha bor edi. Bugun 54 taga yetdi. Bu, albatta, davlat rahbarining sohaga e’tiboridan darak beradi”, — deydi tuman maktabgacha ta’lim bo‘limi mudiri.Mavzuga doir: Andijonning Qo‘rg‘ontepasida bir kunda 21 ta bog‘cha foydalanishga topshirildiShuningdek, bayram munosabati bilan tuman markazida 125 o‘rinli nodavlat maktabgacha ta’lim muassasasi ham ish boshlagan. Foto: Dehqonobod tuman hokimligi axborot xizmati

Manba: Daryo.uzшаблоны для dle 11.2